قصة أثرت فيني

--------------------------------------------------------------------------------

هاذي قصة جاتني على البريد الاكتروني وحبيت اعرضها لكم لانها صج قصة مؤثرة جدا

بداية القصة .. كان هناك شاب من عائلة ميسورة الحال وكان الشاب

متفوق جدا في دراسته وكان دائما يطلع من الاول ..كبر الولد وفي

الثانوية العامة اللي هي اهم سنة اللي كانت في حياته ..فكان

الشاب يدرس ويكرف 24 ساعة ...ليأتي ثمرة مجهودة ويقطفها في

نهاية العام ليحصل على نسبة 96 الشاب طار من الفرحة وراح يبشر

أبوه وابوه كان رجل ملتزم ومتدين .. طبعا الاب فرح واستانس على

ولده وقال له : الله يوفقك ياوليدي ..الحمدلله انك ما خيبت ظني .
.
وهذي النتيجة ماهي الا بداية المشوار وصدقني بإذن الله انك اذا

تفوقت في الجامعة بعطيك اي هدية تطلبها ... الولد زعل من أبوه

ليش ما عطاه شي المهم قال الولد صبرنا الكثير وباقي القليل .. المهم

الولد دش الجامعة والاب المسكين كان كبير في السن ومريض بالقلب

وكان يقطع من راتبه اللي بالكاد يكفي علشان يشتري هدية نجاح

ابنه لما يتخرج .. 4 سنين مروا والولد اجتهد وجاب تقدير جيدجدا

المهم الولد اول ما شاف نتيجته قال : الحين ابوي ما عنده اي عذر

وشنو بعد الجامعة المهم الولد راح البيت علشان يبشر ابوه بس ما حصله ...

قال اكيد بحصله كالعادة في المسجد .. الولد راح المسجد وحصل ابوه يقرا قران ...

الولد كان طاير من الفرحة :" يبه يبه تخرجت من الجامعة بتقدير جيد جدا

" الاب ابتسم واخذ ابنه بالاحضان ... الولد :"يبه الحين وين هديتي لا تقول بعد

ما اخذ الدكتوراه " .. الاب لا ابشرك الهدية معاي .. الاب كان جنبه مصحف

بابتسامه اخذ القران وعطاه لولد .. الابن بذهول : الحين انا قلت بتعطيني

مفتاح سيارة شي عدل الحين بعد هالتعب كله تعطيني قران ..الابن حط

القران في رف القران وخرج زعلان ...الاب من الموقف ما قدر يستحمل

وصادته جلطه وتوفي فورا ..والولد لاهي مع ربعه .. الابن رجع البيت

نص الليل .. شاف امه تبكي .. "يمه اشفيج للحين مارقدتي " .." ابوك مات

مات " وتبدأ في النحيب .. الولد في هاذي اللحظات اعاد شريط حياته ..

شعر بكتمه ..وندم على اسلوبه الجاف مع ابوه ...لم يستطع الولد النوم

فاخذ يصلي ويستغفر ربه ..سمع اذان الفجر فذهب الى المسجد

تخيل ابوه الجالس في الركن يقرا القران .. شاف القران اللي عطاه

ابوه ..اخذ الولد القران وهو يرتجف .. وضمه الى صدره .. فسقط من

القران مفتاح مع رسالة " مبروك ياابني وهذا مفتاح السيارة كهديه مني"

الابن سقط على الارض مغمى عليه ..ليغير هذا الحدث مجرى حياته

--------------------------------